آل راؤنڈر عماد وسیم کے ریٹائرمنٹ واپس لینے کے امکانات بڑھ گئے۔
ذرائع کے مطابق عماد وسیم فیملی اور دوستوں سے مشاورت کے بعد ریٹائرمنٹ واپس لینے کا اعلان کر سکتے ہیں۔
قومی ٹیم کے چیف سلیکٹر وہاب ریاض اور عماد وسیم کے درمیان رابطہ ہوا ہے اور دونوں نے ریٹائرمنٹ کے معاملے پر بات چیت کی، عماد وسیم نے چیف سلیکٹر سے ورلڈ کپ کا پلان بھی مانگ لیا اور سینٹرل کنٹریکٹ کے معاملے میں بھی یقین دہانی مانگ لی۔
عماد وسیم کو ورلڈکپ تک کی یقین دہانی ملی تو ریٹائرمنٹ واپس لے سکتے ہیں۔
واضح رہے کہ عماد وسیم نے گزشتہ برس ریٹائرمنٹ کا اعلان کیا تھا، انہوں نے پی ایس ایل میں غیر معمولی کارکردگی کا مظاہرہ کیا جسکے بعد انکی ٹیم میں شمولیت کے حوالے سے باتیں ہونے لگی ہیں۔
