پاکستان تحریک انصاف کے رہنما شیر افضل مروت نے سائفر کیس میں منگل تک اچھی خبر ملنے کی پیش گوئی کر دی۔
ایبٹ آباد میں میڈیا سے گفتگو کرتے ہوئے شیر افضل مروت کا کہنا تھا کہ عمران خان کیخلاف سیاسی کیسز محض انتقامی کارروائیاں تھی، عمران خان کیخلاف کیسز میں وکلا کو مکمل جرح کا حق نہیں دیا جاتا ہے۔
بانی پی ٹی آئی کیخلاف سائفر کیس میں منگل تک اچھی خبر ملے گی۔
خیال رہے کہ اسلام آباد ہائیکورٹ میں سابق وزیر اعظم عمران خان اور شاہ محمود قریشی کی سزا کیخلاف اپیلیں زیر سماعت ہیں، آفیشل سیکرٹ ایکٹ کی خصوصی عدالت نے سائفر کیس میں عمران خان اور شاہ محمود قریشی کو 10،10 سال قید کی سزا سنائی تھی۔
