پنجاب میں 200 سے زائد پولیس افسران اور اہلکاروں کے منشیات فروشوں کے سہولت کار ہونے کا انکشاف ہوا ہے۔
پنجاب پولیس کے سرویلنس برانچ کی تیار کردہ رپورٹ اعلیٰ حکام کو بھجوا دی گئی ہے، لاہور کے 10 اضلاع کے 234 پولیس افسران اور اہلکاروں کے نام شامل ہیں۔
لاہور کے 30 پولیس اہلکار منشیات فروشوں کے سہولت کار ہیں اور 35 مقدمات درج ہیں، فیصل آباد کے 62 پولیس ملازمین منشیات فروشی کی سہولت کاری میں ملوث پائے گئے ہیں اور ان میں مختلف سب انسپکٹر مختلف تھانوں میں تعینات ہیں۔
بتایا گیا ہے کہ پولیس اہلکاروں کے متعلقہ منشیات فروش گینگز کی تفصیل بھی رپورٹ میں شامل ہے جبکہ چرس، ہیروئن، آئس اور کرسٹل پاؤڈر جیسے نشے کی تفصیلات بھی رپورٹ کا حصہ بنائی گئیں۔
