قومی ٹیم کے فاسٹ بولر شاہین آفریدی کے پی سی بی کیجانب سے جاری خود سے منسوب بیان سے لاعلمی کے بعد ذرائع نے یہ دعویٰ کیا ہے کہ پی سی بی نے کوئی بھی بیان جاری کرنے سے روک دیا ہے۔
شاہین آفریدی نے تفصیلی ٹوئٹ لکھ لی تھی لیکن بعد میں انہیں ٹوئٹ کرنے سے روک دیا گیا۔
چیئرمین پی سی بی آج قومی ٹیم کے کیمپ کا دورہ کریں گے اور شاہد آفریدی سے ملاقات کریں گے۔
ذرائع کا کہنا ہے کہ شاہین آفریدی بغیر مشاورت جاری کیے گئے بیان پر اپنے تحفظات محسن نقوی کے سامنے رکھیں گے، دوسری جانب چیئرمین پی سی بی محسن نقوی، بابر اعظم اور شاہین آفریدی سے ملاقات کریں گے جس دوران مستقبل کے پلان پر بات کریں گے، محسن نقوی کیمپ میں شامل کھلاڑیوں کیساتھ افطار بھی کریں گے۔
