وزیراعلیٰ پنجاب مریم نواز کا کہنا ہے کہ انہیں پتا چلا ہے پتنگ بازی کی دھاتی ڈور خیبرپختونخوا سے بن کر پنجاب آرہی ہے۔
پنجاب کی ایپکس کمیٹی کے اجلاس سے خطاب میں وزیراعلیٰ پنجاب مریم نواز نے کہا کہ وہ اسے سیاسی جماعت ہی نہیں مانتیں جو ملک پر حملہ آور ہو، جنوبی پنجاب میں جرائم پیشہ عناصر کے پاس جدید اسلحہ موجود ہے۔
وزیراعلیٰ کی دھاتی ڈور سے متعلق بیان پر مشیر اطلاعات خیبرپختونخوا بیرسٹر محمد علی سیف نے کہا کہ اگر گردنیں کاٹنے والی دھاتی ڈور کے پی سے آرہی ہے تو پنجاب پولیس کیا سو رہی ہے، کیا آپ کی پولیس صرف آپ کی سکیورٹی اور پروٹوکول مامور ہے؟
ادھر وزیر اطلاعات پنجاب عظمیٰ بخاری کا کہنا ہے کہ مشیر اطلاعات خیبر پختونخواکو جواب میں کہا کہ دھاتی ڈور سے متعلق نشاندہی الزام تراشی نہیں بلکہ رپورٹس کی بنیاد کی گئی ہے، صوبائیت کارڈ کھیلنے کی بجائے اپنے صوبے پر نظر رکھیں۔
