قاضی احمد کے قریب گاؤں شیر علی کھوسو میں پولیس نے کارروائی کرتے ہوئے 10 سال قبل پنجاب سے اغوا کی گئی خاتون کو بازیاب کرا لیا۔
پولیس کا کہنا ہے کہ قاضی احمد کے رہائشی کریم کھوسو نے اغواکاروں سے خاتون کو خریدا اور شادی کرلی، دوسری جانب ملزم کریم کھوسو کو گرفتار کرلیا گیا ہے۔
اپنے بیان میں متاثرہ خاتون نے کہا کہ وہ شادی شدہ تھی، اسے اغوا کاروں نے یہاں لا کر فروخت کردیا۔
بازیاب خاتون 10 سال میں 3 بچوں کی ماں بن گئی، خاتون اور بچوں کو آج عدالت میں پیش کیا جائے گا۔
