کراچی ایئر پورٹ پر کسٹمز نے کارروائی کرتے ہوئے کروڑوں روپے مالیت کا سونا جنوبی افریقا اسمگل کرنے کی کوشش ناکام بنادی۔
کسٹم ذرائع کے مطابق کراچی ایئرپورٹ سے جنوبی افریقا جانیوالی فیملی سے ساڑھے 9 کلو سونا برآمد جسکی مالیت 17 کروڑ پاکستانی روپے بنتی ہے، برآمد شدہ سونے میں مختلف زیورات اور سکے شامل ہیں۔
ذرائع کا بتانا ہے کہ جنوبی افریقن پاسپورٹ رکھنے والی فیملی میں 5 خواتین اور ایک مرد شامل ہے۔
سونا پاکستانی نژاد جنوبی افریقن مسافروں کے سامان کی تلاشی میں ملا، کروڑوں روپے کا سونا لیکر سفر کے حقائق جاننے کیلئے کسٹم حکام نے تمام افراد کو حراست میں لیکر تحقیقات شروع کردی ہیں۔