ممبئی، بھارتی ڈراموں میں سب سے زیادہ معاوضہ لینے والی اداکارہ روپالی گنگولی نے بھارتی وزیراعظم نریندر مودی سے متاثر ہوکر ان ہی کی جماعت بھارتیہ جنتا پارٹی (بی جے پی) میں شمولیت اختیار کرلی ہے۔
اداکارہ نے لوک سبھا کے انتخابات کے دوران دہلی میں واقع پارٹی ہیڈ کوارٹر میں بی جے پی میں شمولیت اختیار کی اور بیان جاری کیا۔
روپالی گنگولی نے اپنے جاری کردہ بیان میں بھارتی وزیراعظم کی تعریفوں کے پل باندھ دیے اور کہا کہ ان سے متاثر ہو کر سیاست میں قدم رکھنے کا سوچا۔
نریندرمودی کا کام کرنے کا طریقہ اور جس طریقے سے وہ بھارت کو ترقی کیجانب لے گئے ہیں، وہ قابل ستائش ہے، یہی میں نے محسوس کیا اور اسی لیے میں آج بی جے پی کا حصہ بنی ہوں۔
اداکارہ کا کہنا ہے کہ ہر بھارتی شخص کو نریندر مودی کی ’فوج‘ میں شامل ہونا چاہیے تاکہ ملک کے لیے کچھ کر سکیں، یہی میں نے محسوس کیا اور اسی لیے میں آج بی جے پی کا حصہ بنی ہوں۔
