حکومت نے ڈیجیٹل حقوق کے تحفظ کیلئے قانون سازی کا فیصلہ کرلیا۔
ذرائع کا بتانا ہے کہ وزیراعظم شہباز شریف سے وزیر قانون اعظم نذیر تارڑ اور وزیر اطلاعات عطا تارڑ نے ملاقات کی۔
وزیراعظم نے دونوں وفاقی وزراء سے ڈیجیٹل حقوق پر بل لانے سے متعلق مشاورت کی، ذرائع کا کہنا کہ ڈیجیٹل حقوق کے تحفظ سے متعلق قانون سازی کیلئے مسودہ تیار کرلیا گیا ہے، بل جلد پارلیمنٹ میں پیش کیا جائے گا۔
حکومتی ذرائع کے مطابق ایف آئی اے سائبرکرائم ونگ ڈیجیٹل رائٹس کیخلاف ورزی روکنے کیلئے موزوں فورم نہیں ہے اسی لئے حکومت نے ڈیجیٹل حقوق کے تحفظ کیلئے پارلیمنٹ کے ذریعے قانون سازی کا فیصلہ کیا ہے۔
