مظفر گڑھ میں نامعلوم ملزمان کی فائرنگ سے مقامی صحافی جاں بحق ہوگیا۔
تفصیلات کے مطابق ترجمان پولیس کیجانب سے بتایا جارہا ہے کہ واقعہ تھرمل بائی پاس پر پیش آیا جہاں صحافی اشفاق احمد سیال کو روک کر قتل کردیا گیا۔
ترجمان پولیس کا کہنا ہے کہ معاملے کی تحقیقات اور ملزمان کی تلاش جاری ہے، ابتدائی معلومات کے مطابق قتل کی وجوہات سامنے نہ آسکیں۔
وزیراعلیٰ پنجاب مریم نواز نے مظفر گڑھ میں صحافی اشفاق احمد کے قتل کا نوٹس لیتے ہوئے آئی جی پنجاب سے اس دلخراش واقعے کی رپورٹ بھی طلب کرلی ہے۔
وزیراعلیٰ پنجاب کا کہنا ہے کہ صحافی کو قتل کرنے والوں کیخلاف سخت کارروائی کرکے ملوث افراد کو کیفرکردار تک پہنچائیں گے۔
