اسلام آباد، وفاقی حکومت نے پی ٹی آئی کے بانی عمران خان کے نیب ترمیمی کیس میں وکلا تک رسائی نہ دینے کا دعویٰ مسترد کردیا۔
وفاقی حکومت نے بانی پی ٹی آئی عمران خان کے موقف کی تردید کرتے ہوئے اضافی دستاویزات عدالت میں جمع کرا دیں۔
ان دستاویزات میں عمران خان کی اڈیالہ جیل میں وکلا سے ملاقات کی تصاویر بھی ہیں۔
سرکاری حکام کے مطابق قید تنہائی میں رہنے والے پی ٹی آئی کے بانی کا موقف غلط ہے، ان سے ملاقات کرنے والوں کی فہرست بھی سپریم کورٹ میں جمع کرائی گئی ہے۔
حکومت کا دعویٰ ہے کہ پی ٹی آئی کے بانی نے سپریم کورٹ کے وکلا تک رسائی نہ دینے پر موقف اختیار کیا ہے۔
عمران خان کو فریج، ٹی وی، ڈیسک، دفتری کرسی، گدے، خشک میوہ جات، بادام، سافٹ ڈرنکس، چاکلیٹ اور کتابیں بھی فراہم کی گئیں۔
حکومتی عہدیداروں نے بتایا کہ جیل میں قیام کے دوران پی ٹی آئی کے بانی کو کتابیں، ایئر کنڈیشنگ اور ایک ٹیلی ویژن سمیت تمام ضروری سہولیات فراہم کی گئیںہیں۔
حکومت کی جانب سے عدالت میں جمع کرائی گئی تصاویر میں بتایا گیا ہے کہ عمران خان کے کمرے میں ایئر کنڈیشن، ایل ای ڈی لائٹس، ایک ورک ڈیسک، دفتر کی کرسی اور گدے اور ورک آؤٹ مشین ہے،اس کے علاوہ پی ٹی آئی کے بانی کے سیل کے سامنے ایک راہداری ہے جہاں وہ چل کر خشک میوہ جات، چنے، بادام، سافٹ ڈرنکس، چاکلیٹ اور کتابیں رکھ سکتے ہیں۔
