عدالت نے انسانی سمگلنگ کے الزام میں گرفتار سماجی رہنما صارم برنی کی درخواست مسترد کرتے ہوئے کیس کو فیڈرل انویسٹی گیشن ایجنسی (ایف آئی اے) کے حوالے کر دیا۔
صارم برنی کو گزشتہ روز امریکہ سے واپسی پر کراچی ایئرپورٹ سے انسانی اسمگلنگ کے الزام میں گرفتار کیا گیا تھا۔
بعد ازاں انسداد انسانی اسمگلنگ ایف آئی اے نے بھی ان کے خلاف مقدمہ درج کرایا، جس میں بتایا گیا کہ صارم برنی نے بھی اپنی غلطی تسلیم کی۔
ایف آئی اے نے آج صارم برنی کو ایسٹرن مجسٹریٹ کی عدالت میں پیش کیا جہاں صارم برنی کے وکیل نے سماجی رہنما کو کیس سے ہٹانے کی استدعا کی۔
دوسری جانب ایف آئی اے حکام نے صارم برنی کے ریمانڈ کی درخواست کی جس کے بعد عدالت نے درخواست مسترد کرتے ہوئے صارم برنی کو دو روزہ جسمانی ریمانڈ پر ایف آئی اے کے حوالے کردیا۔