نیویارک:پاکستانی امریکن یوتھ آرگنائزیشن کا رمضان کرکٹ کپ، مہمان خصوصی چوہدری پرویز ریاض نے انعامات تقسیم کئے

نیویارک(بیورورپورٹ) پاکستانی امریکن یوتھ آرگنائزیشن (PAYO)کے زیر اہتمام رمضان المبارک کے مقدس مہینے میں رمضان کرکٹ کپ کا انعقاد کیا گیا۔ اس خوبصورت تقریب کے مہمان خصوصی پاکستان تحریک انصاف کے رہنما چوہدری پرویز ریاض تھے ۔ چوہدری پرویز ریاض گرائونڈ میں پہنچے تو ایونٹ کی آرگنائزنگ ٹیم ہمایوں ریاض ، اظہار اعوان اور دیگر نوجوانوں نے ان کا پرجوش استقبال کیا۔ ان کا مختلف کھلاڑیوں سے تعارف بھی کروایا گیا۔ چوہدری پرویز ریاض نے جیتنے والے کھلاڑیوں میں انعامات اور سرٹیفکیٹ تقسیم کئے ۔ اس موقع پر گفتگو کرتے ہوئے چوہدری پرویز ریاض کا کہنا تھا کہ رمضان المبارک کے مہینے میں PAYOکی طرف سے ہم نصابی سرگرمیوں کا انعقاد انتہائی مثبت اقدام ہے۔ پاکستان تحریک انصاف کے ٹائیگرز خراج تحسین کے مستحق ہیں۔ رمضان کپ کے سلسلہ میں گرائونڈ کو پاکستان اور امریکہ کے جھنڈوں سے سجایا گیا تھا۔جبکہ انتظامیہ کی طرف سے شرکاء کیلئے بہترین افطاری کا بندوبست بھی کیا گیا تھا۔ رمضان کرکٹ کپ کی تصویری جھلکیاں پیش خدمت ہیں۔