معروف ٹی وی میزبان اور تحریک انصاف کےمنحرف رکن اسمبلی عامر لیاقت نے ہمیشہ کے لیے پاکستان چھوڑنے کا اعلان کر دیا۔عامر لیاقت کا کہنا ہے کہ وہ آج پاکستان چھوڑنے سے قبل ٹوئٹر پر اپنا آخری بیان بھی دیں گے۔ اس کے علاوہ انہوں نےانسٹا گرام اکاؤنٹ سے اپ لوڈ کی جانے والی وڈیو کے ساتھ اللہ حافظ پاکستان کا ہیش ٹیگ بھی استعمال کیا۔
یاد رہے کہ عامر لیاقت کی تیسری اہلیہ دانیہ ملک نےخلع کا مقدمہ دائر کرنے کے بعد عامر لیاقت پر سنگین الزامات عائد کیے تھے۔ دانیہ ملک نے عامر لیاقت کی برہنہ وڈیوز بھی سوشل میڈیا پر جاری کی جس کے بعد عامر لیاقت کا کہنا تھا کہ دانیہ ملک حدود اللہ میں داخل ہوئی ہیں میں انہیں معاف کرتا ہوں ۔
