اسلام آباد میں ہفتہ وار بریفنگ کے دوران ترجمان دفتر خارجہ عاصم افتخار نے کہا کہ القاعدہ رہنما ایمن الظواہری ہلاکت پاکستانی فضائی حدود کےاستعمال کا کوئی ثبوت نہیں ملا۔
ترجمان کاکہنا تھا کہ 5 اگست کو بھارت کے مقبوضہ کشمیر میں غیر قانونی اقدامات کو 3 سال مکمل ہوجائیں گے۔مقبوضہ کشمیر میں لاک ڈاؤن اور کشمیریوں کا ماورائے عدالت قتل کیا جارہا ہے، کشمیری لیڈرشپ کو حق خود ارادیت کے لیے آواز اٹھانے پر قید میں رکھا ہوا ہے۔ بھارت کے غیرقانونی اقدامات کے خلاف کل یوم استحصال منایا جائے گا۔
