لاہور : مسلم لیگ (ن) کی چیف آرگنائزر مریم نواز کا کہنا ہے کہ جنرل فیض، ثاقب نثاراور جسٹس کھوسہ کا عمران خان کو واپس لانے کا منصوبہ کسی صورت کامیاب نہیں ہونے دیں گےپیپر آؤٹ ہو گیا سب یہ منصوبہ ناکام ہوگا۔
مسلم لیگ (ن) لیبر ونگ کی طرف سے یکم مئی پر منعقدہ تقریب سے خطاب کرتے ہوئے مریم نواز نے کہا کہ پاکستان کو تباہ کرنے کا ذمہ دار صرف فتنہ خان نہیں بلکہ ثاقب نثار، جسٹس کھوسہ اور جنرل(ر) فیض برابر کے ذمہ دار ہیں ۔
مریم نواز نے کہا کہ نواز شریف کو نکالنے والے کا بیٹا ایک کروڑ 20 لاکھ رشوت دیتے پکڑا گیا ہے، کسی کی ذاتی گفتگو ریکارڈ کرنا اچھی بات نہیں لیکن یہاں تو سازش ہو رہی تھی ، تمام سازشی کردار منظر عام پر آگئے ہیں ۔
مریم نواز نے کہا کہ جسٹس کھوسہ نے عمران خان کو کہا کہ کہاں سڑکوں پر دھکے کھا رہے ہیں، میرے پاس آؤ میں نواز شریف کو نکالنا چاہتا ہوں ، شہباز شریف جس ملک میں جاتے ہیں آگے سے کہا جاتا ہے گارنٹی دیں عمران خان دوبارہ نہیں آئے گا ، عمران خان جب نشہ کرتا ہے تو اسے ہی سمجھ نہیں آتی کہ وہ کیا بول رہا ہے۔
مریم نواز نے کہا کہ سنا ہے فتنہ بھی آج مزدوروں کیلئے نکال رہا ہے، اس سے کہتی ہوں ریلی نکالنے کے بجائے پاکستان کے خلاف سازیں کرنا بند کریں ،پاکستان کی ترقی کی راہ میں ایک رکاوٹ حائل ہے اسکا نام عمران خان ہے ۔
مجھے اس بات کا علم ہے کہ اتنے مشکل معاشی حالات کے باوجود وزیراعظم شہبازشریف صاحب نے مزدور کی کم سے کم اجرت 35,000 روپے مقرر کی ہے لیکن میری خواہشن ہے اور آپکا پیغام بھی ان تک پہنچاؤں گی کہ کم از کم اجرت 40,000 ہونا چاہیے.چیف آرگنائز مسلم لیگ ن مریم نوازشریف pic.twitter.com/kPnksKnFbp
— PMLN (@pmln_org) May 1, 2023
مریم نواز کا مزید یہ کہنا ہے کہ عمران خان سیاسی مخالف نہیں بلکہ اس ملک کیلئے ایک دہشت گرد ہے، عمران خان جیت جائے تب بھی ملک کیلئے تباہی کا باعث ہے اگر ہار جائے تب بھی ملک کیلئے تباہی کا باعث ہے اور ملک کی تباہی کا ذمہ دار صرف عمران خان نہیں بلکہ پورا گینگ ذمہ دار ہے ۔