معروف گلوکار علی ظفر نے سیاست میں آنے کی خبروں کو جعلی قرار دے دیا۔
خیال رہے کہ علی ظفر کی سیاست میں شمولیت کی افواہیں سوشل میڈیا پر وائرل ہو چکی ہیں، تاہم بعد ازاں گلوکار نے ان خبروں کی تردید کر دی تھی۔
گلوکار نے سماجی رابطے کی سائٹ ٹوئٹر پر سیاست کا حصہ بننے کی خبروں کی تردید کرتے ہوئے کہا کہ اس طرح کی خبروں پر ہرگز یقین نہ کریں۔
I was shared a FB link of some news that I am joining politics or a political.
Once again. No I am not and don’t intent to.
So, kindly do not believe in any such news.
And to all fake news spreaders. Yaar … khuda ka vaasta hai. Apna kaam theek tarha kerein. Itni buri…
— Ali Zafar (@AliZafarsays) June 1, 2023
انہوں نے لکھا کہ مجھے چند خبروں کا فیس بک لنک شیئر کیا گیا تھا جس میں خبر تھی میں سیاست میں شامل ہورہا ہوں۔ ایک مرتبہ پھر واضح کردوں ایسا نہیں ہے اور نہ ہی میرا ایسا کوئی ارادہ ہے۔
علی ظفر نے مداحوں اور سوشل میڈیا صارفین سے درخواست کرتے ہوئے کہا کہ اس قسم کی خبروں پر یقین نہ کریں۔
گلوکار نے منفی خبریں پھیلانے والوں کو آڑے ہاتھوں لیتے ہوئے لکھا کہ تمام جھوٹی خبریں پھیلانے والوں! یار خدا کا واسطہ اپنا کام ٹھیک طرح کریں، اتنی بری ایڈیٹنگ۔
