اسلام آباد ہائیکورٹ نے ڈی سی اسلام آباد کا ایم پی او آرڈر جاری کرنے کا اختیار عارضی طور پر بحال کردیا۔
چیف جسٹس اسلام آباد ہائیکورٹ عامر فاروق اور جسٹس طارق محمود جہانگیری پر مشتمل دور کنی بینچ نے ڈی سی اسلام آباد کے ایم پی او بحال کرنے کے احکامات جاری کیے۔
ہائیکورٹ نے ڈپٹی کمشنر اسلام آباد کو ایم پی او آرڈر جاری کرنے سے روکنے کا سنگل بینچ کا فیصلہ معطل کرتے ہوئے فیصلے کیخلاف چیف کمشنر و دیگر کی اپیل پر فریقین کو نوٹس جاری کردیا۔
یاد رہے کہ جسٹس بابر ستار نے ڈی سی اسلام آباد کا ایم پی او جاری کرنے کا اختیار غیر قانونی قرار دیا تھا۔
