ملتان، مسلم لیگ (ن) کے رہنما اور سنیئر سیاستدان جاوید ہاشمی نے کہا ہے کہ وہ مسلم لیگ میں تھے اور رہیںگے۔
پاکستان تحریک انصاف کے ورکرز کنونشن کی تیاریاں جاوید ہاشمی کے گھر جاری ہیں، جاوید ہاشمی نے کہا کہ میرے اور میرے داماد کے گھر چھاپہ مار کر کیا ثابت کرنا چاہتے ہیں، تحریک انصاف کا کنونشن میرے داماد زاہد بہار نے منعقد کروانا تھا، وہ پی ٹی آئی کا صوبائی اسمبلی کا امیدوار ہے۔
چھاپے سے پہلے شاید پی ٹی آئی ورکرز کنونشن میں نہ جاتا لیکن اب جاؤں گا، پی ٹی آئی اب اس بات پر آئی جو میں ہمیشہ کہتا رہا۔
واضح رہے کہ ملتان میں جاوید ہاشمی کی رہائش گاہ پر تحریک انصاف کے ورکرز کنونشن کے دوران پولیس نے چھاپہ مار پی ٹی آئی کے امیدوار کو گرفتار کیا تھا۔
