گجرات، ڈی پی او کمپلیکس گجرات میں تعارفی میٹنگ ہوئی جس میں ایس پی انویسٹی گیشن مہر ناز، ڈی ایس پی لیگل اختر محمود گوندل، سرکل ڈی ایس پیز، ایس ایچ اوز اور ہیڈ آف برانچز نے شرکت کی۔
تفصیلات کے مطابق نئے تعینات ہونے والے ڈی پی او گجرات مستنصر باجوہ کا کہنا تھا کہ انصاف میں رکاوٹ ڈالنے والے اور محکمہ کی بدنامی کا باعث بننے والے افسران کی محکمہ میں کوئی جگہ نہیں ہے اور نہ ہی ان سے کسی قسم کی نرمی برتی جائے گی۔
ڈی پی او گجرات کا اس موقع پر کہنا تھا کہ ضلع میں ہوائی فائرنگ، اسلحہ کلچر اور قبضہ مافیا کو کسی صورت برداشت نہیں کیا جائے گا۔
مستنصر باجوہ کا کہنا تھا کہ ضلع بھر کے شہریوں کے حقوق کا خیال اور انہیں تحفظ دینا ہماری اولین ذمہ داری میں شامل ہوگا۔
ڈی پی او گجرات کا یہ بھی کہنا تھا کہ قانونی کارروائی بلا تفریق ہوگی، کسی سے کوئی رعایت نہیں برتی جائے گی۔
ڈی پی او گجرات مستنصر باجوہ کا مزید یہ کہنا تھا کہ محکمے کی بدنامی کرنے والے افسران کیخلاف قانون کے مطابق کارروائی کی جائے گی اور انکی محکمہ میں بھی کوئی جگہ نہیں ہے۔
