راولپنڈی(ویب ڈیسک) آرمی چیف جنرل راحیل شریف نے لائن آف کنٹرول پر اگلے مورچوں کا دورہ کیا اور جوانوں سے ملاقات کر کے ان کے حوصلہ بڑھایا۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے لائن آف کنٹرول پر حاجی پیر سیکٹر کا دورہ کیا جہاں مقامی فارمیشن کمانڈر نے پاک فوج کے سپہ سالار کو ایل او سی کی موجودہ صورتحال، یونٹوں اور فارمیشنز کی آپریشنل تیاریوں کے بارے میں تفصیلی بریفنگ دی۔آئی ایس پی آر کے مطابق آرمی چیف جنرل راحیل شریف نے لائن آف کنٹرول پر تعینات جوانوں سے ملاقات کی اور ان کے جذبے، عزم اور حوصلے کی تعریف کرتے ہوئے آپریشنل تیاریوں اور سرحدوں کی موثر نگرانی پر اطمینان کا اظہار کیا۔ اس سے قبل اگلے مورچوں پر پہنچنے پر 10 کور کے کمانڈر لیفٹنٹ جنرل ملک ظفر اقبال نے چیف آف آرمی اسٹاف کا استقبال کیا۔ بی بی سی کے مطابق ایک ہفتے کے دوران جنرل راحیل شریف کا یہ آزاد کشمیر کا دوسرا دورہ ہے۔ اس سے قبل آرمی چیف نے اسٹرائیک کور ہیڈ کوارٹرز منگلا کا دورہ کیا تھا جسے عام طور پر ’’ کور اول‘‘ کہا جاتا ہے۔
تازہ ترین
