پاکستان ریلوے کے ترجمان نے ریلوے کی نجکاری کی خبروں کی تردید کردی ہے۔
ترجمان ریلوے نے ایک بیان میں کہا ہے کہ حکومت کیجانب سے پاکستان ریلوے کی نجکاری نہیں کی جارہی ہے۔
وزارت ریلوے کیجانب سے سی ای او ریلوے کو نجکاری کے متعلق کسی قسم کا کوئی مراسلہ نہیں لکھا گیا ہے۔
ترجمان ریلوے کا کہنا ہے کہ پاکستان ریلوے کی آمدن اس وقت تاریخ کی بلند ترین سطح پر ہے، اس سال 85 ارب روپے سے زیادہ ریونیو حاصل کریں گے۔
ترجمان ریلوے کا کہنا ہے کہ ریلوے میں سرمایہ کاری لانے کی حوصلہ افزائی کی جائے گی، بعض منصوبے پبلک پرائیویٹ پارٹنر شپ کے تحت جاری رکھے جائیں گے۔
