وفاقی حکومت نے عید الاضحی پر عام تعطیلات کا اعلان کردیا ہے۔
کابینہ ڈویژن کیجانب سے جاری کردہ نوٹیفکیشن کے مطابق وزیراعظم اسلامی جمہوریہ پاکستان شہباز شریف نے عید الاضحی کے چھٹیوں کی سمری کی منظوری دی ہے۔
جاری کردہ نوٹیفکیشن کے مطابق عید کے پہلے دن پیر 17 جون سے بدھ 19 جون تک چھٹیاں ہوں گی۔
واضح رہے کہ 7 جون کو مرکزی رویت ہلاک کمیٹی کے اجلاس کے بعد پریس کانفرنس کرتے ہوئے مولانا عبد الخبیر آزاد نے اعلان کیا تھا کہ ملک میں یکم ذی الحج 8 جون اور 10 ذی الحج یعنی عید الاضحی 17 جون بروز پیر کو ہوگی۔
واضح رہے کہ وفاق اور پنجاب حکومت کی جانب سے اس دفعہ عید الاضحیٰ پر طویل تعطیلات کی قیاس آرائیاں کی جا رہی ہیں۔
عید الاضحیٰ کے قریب آتے ہی قربانی کے لیے گائے، بکرے، بھیڑ اور اونٹ کی خریداری کیلئے ملک کے بیشتر علاقوں میں مویشی منڈیاں لگائی گئی ہیں۔
