اسلام آباد، آزاد کشمیر کے سابق وزیراعظم سردار تنویر الیاس کو اڈیالہ جیل سے رہا کر دیا گیا۔
ایف آئی اے کیس میں سردار تنویر الیاس کی ضمانت منظور کر لی گئی۔
اسلام آباد کی ڈسٹرکٹ اینڈ سیشن عدالت نے ڈپلومیٹک پاسپورٹ کیس میں آزاد کشمیر کے سابق وزیراعظم سردار تنویر الیاس کی ضمانت منظور کرلی۔
جج عباس شاہ نے سردار تنویر الیاس کو ایک لاکھ روپے کے مچلکوں کے عوض ضمانت پر رہا کرنے کا حکم دیدیا ہے۔
یاد رہے کہ رواں ماہ کے آغاز میں مارگلہ پولیس نے سردار تنویر الیاس کے خلاف سینٹورس مال کے ہیڈ آفس اور اہم دستاویزات پر قبضے کی کوشش کے الزام میں مقدمہ درج کیا تھا۔
ڈپٹی چیف سیکیورٹی آفیسر کرنل (ر) ٹیپو سلطان کی شکایت پر مارگلہ پولیس اسٹیشن میں سردار تنویر الیاس، محمد علی، انیل سلطان، رضوان اور دیگر نامعلوم ملزمان کو نامزد کرتے ہوئے ایف آئی آر درج کی گئی۔