ورلڈ ٹیسٹ چیمپیئن شپ،بھارتی ٹیم میچ بھی ہاری،جرمانہ بھی پڑ گیا

ورلڈ ٹیسٹ چیمپیئن شپ فائنل میں شکست کے بعد بھارت کے کھلاڑیوں پر بھاری جرمانہ عائد، آسٹریلوی ٹیم کے کھلاڑی بھی جرمانے سے بچ نہ سکے۔

انٹرنیشنل کرکٹ کونسل (آئی سی سی) کی جانب سے بھارت اور آسٹریلیا پر بھاری جرمانہ عائد کردیا گیا۔ یہ جرمانہ گزشتہ روز کھیلے گئے ورلڈ ٹیسٹ چیمپیئن شِپ کے فائنل میں سلو اوور ریٹ کے باعث عائد کیا گیا۔

آئی سی سی کے مطابق بھارتی ٹیم پر پوری میچ فیس کا جرمانہ عائد کیا گیا جس کی وجہ سے بھارتی کرکٹ ٹیم کے کسی کھلاڑی کو بھی میچ فیس نہیں ملے گی۔ دوسری طرف آسٹریلوی کرکٹ ٹیم کو سلو اوور ریٹ کی وجہ سے میچ فیس کا 80 فیصد جرمانہ کیا گیا۔

All-format superstars 🤩

The only five players to have won ICC @cricketworldcup, @T20WorldCup, and World Test Championship titles 🏆✨#WTC23 pic.twitter.com/baeTQNw4KJ

— ICC (@ICC) June 12, 2023

آئی سی سی کے بنائے گئے قانون کے مطابق سلو اوور ریٹ کی وجہ سے ہر کھلاڑی پر جرمانہ عائد کیا جاتا ہے جبکہ 1 اوور پر میچ فیس کا 20 فیصد جرمانہ ہوتا ہے۔ آئی سی سی نے بتایا کہ گزشتہ روز بھارتی ٹیم کی طرف سے مقررہ وقت میں 5 اوورز جبکہ آسٹریلوی ٹیم نے 4 اوورز کم کرائے۔

خیال رہے کہ گزشتہ روز بھارت کو 209 رنز سے شکست دینے کے بعد آسٹریلیا ورلڈ ٹیسٹ چیمپیئن بن گیا تھا۔ بھارت کو لگاتار دوسری مرتبہ ورلڈ ٹیسٹ چیمپیئن شپ فائنل میں شکست کا سامنا کرنا پڑا۔