پاکستانی امریکن ڈاکٹر آصف محمود کو امریکا کے عالمی کمیشن برائے مذہبی آزادی کا رکن مقرر کردیا گیا ہے۔
بحثیت سفارت کار وہ مختلف ممالک میں مذہبی آزادی کا جائزہ لیں گے اور حکومت کیلئے پالیسی سفارشات مرتب کریں گے۔
ڈاکٹر آصف محمود کو جس امریکی کمیشن برائے مذہبی آزادی کارکن بنایا گیا ہے وہ ایسی رپورٹ تیار کرتا ہے جو امریکی صدر، کانگریس اور محکمہ خارجہ کیلئے آنکھوں اور کانوں کا کام کرتی ہیں۔
پلمونولوجسٹ ڈاکٹر آصف محمود کا تعلق کھاریاں سے ہے اور طویل عرصے سے وہ کیلیوفورنیا کے رہائشی ہیں جبکہ ڈیموکریٹ پارٹی کے ٹکٹ پر وہ کیلیوفورنیا سے کانگریس کا الیکشن بھی لڑ چکے ہیں، اس میں انہیں کامیابی نہیں ملی تھی۔
ڈاکٹر آصف محمود امریکا کی نائب صدر کاملا ہیریس اور سابق امریکی وزیر خارجہ ہیلری کلنٹن کے انتہائی قریب سمجھے جاتے ہیں، ڈاکٹر آصف محمود سے پہلے خضر خان بھی اس کمیشن کے رکن رہے ہیں۔
