وزیر ریلوے سعد رفیق نے کہا ہے کہ جلد انتخابات کا مطالبہ بلا جواز ہے4 حکومتوں کے حکمران ہماری آئینی حکومت کو برداشت کریں۔
لیگی رہنما اور وزیر ریلوے سعد نے پی ٹی آئی کے حقیقی آزادی مارچ اور عام انتخابات کے مطالبے کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
سعد رفیق نے اپنے ٹوئٹ میں کہا ہے کہ ہم نے عمران کی غیر قانونی حکومت کو برداشت کیا۔ اب 4 حکومتوں کے حکمران ہماری آئینی حکومت کو برداشت کریں۔ ان کا جلد انتخابات کا مطالبہ بلا جواز ہے۔
جلدی انتخابات کامطالبہ بلا جوازھے
عمران کی غیرقانونی حکومت کوبرداشت کیا،4حکومتوں کےحکمران ھماری آئینی حکومت کوبرداشت کریں
قبل ازوقت انتخابات مانگنےوالے سنجیدہ ھوتےتولانگ مارچ کی بجاۓاپنے استعفےمنظور کرواتے،صوبائ حکومتیں توڑتے ماحول خودبخود بن جاتا
انتشارکامقصدملک چلنے نہ دینا ھے— Khawaja Saad Rafique (@KhSaad_Rafique) November 20, 2022
ان کا کہنا تھا کہ قبل از وقت انتخابات کا مطالبہ کرنے والے سنجیدہ ہوتے تو لانگ مارچ کی بجائے استعفے منظور کراتے۔ یہ اگر صوبائی حکومتیں توڑ دیتے تو نئے انتخابات کا ماحول خود بخود بن جاتا۔
وفاقی وزیر کا کہنا تھا کہ انتشار کا مقصد صرف ایک ہی ہے کہ ملک چلنے نہ دینا ہے۔