انکم ٹیکس کیلکولیٹر، آپ کی تنخواہ سےکتنا ٹیکس کٹےگا؟

0

آئندہ مالی سال 2024-25 کے بجٹ میں ملازمین کے انکم ٹیکس میں اضافہ کیا گیا ہے۔

50,000 روپے ماہانہ آمدنی والے افراد انکم ٹیکس سے مستثنیٰ ہیں۔

انکم ٹیکس کیلکولیٹر

ہر سال 600,000 سے 1.2 ملین کے درمیان کمانے والے افراد کے لیے، ذاتی انکم ٹیکس کو کم کر کے 5% کر دیا گیا ہے۔ 100,000 روپے تک کی ماہانہ آمدنی پر ٹیکس کم کر کے 5 فیصد کر دیا جائے گا۔ ماہانہ انکم ٹیکس 1250 روپے سے بڑھا کر 2500 روپے کر دیا گیا ہے۔

الیکشن ٹربیونل کی تبدیلی کیخلاف درخواست پر تحریری حکم نامہ جاری

0

اسلام آباد ہائیکورٹ نے پاکستان تحریک انصاف کے امیدوار عامر مغل کی الیکشن ٹربیونل کی تبدیلی کے خلاف درخواست پر تحریری حکم نامہ جاری کردیا۔

اسلام آباد ہائیکورٹ نے ٹربیونل کو کام کرنے سے روک دیا ہے، چیف جسٹس عامر فاروق نے اس کیس میں حکم امتناع جاری کردیا ہے۔

عدالت نے فیصلے میں لکھا کہ ٹربیونل تبدیلی کی درخواست پر توہین آمیز زبان استعمال کی گئی ہے۔

وکیل کے مطابق درخواست میں استعمال کی گئی توہین آمیز زبان اور سکینڈلائز کرنے کی کوشش تھی۔

اسلام آباد ہائیکورٹ نے ن لیگی ایم این اے انجم عقیل کو ذاتی حیثیت میں طلب کرلیا ہے۔ عدالت نے انجم عقیل کو 24 جون کو عدالت میں پیش ہونے کا حکم دیدیا ہے۔

اسلام آباد ہائیکورٹ نے حکم دیا ہے کہ کیس کو دوبارہ 24 جون کو سماعت کیلئے مقرر کیا جائے۔

latest urdu news

اسمگلنگ کیس: صارم برنی کا ضمانت کیلئے سیشن کورٹ سے رجوع

0

کراچی، بچوں کی اسمگلنگ کے کیس میں ضمانت کیلئے سماجی کارکن صارم برنی نے سیشن کورٹ سے رجوع کرلیا۔

سماجی شخصیت صارم برنی کے وکیل نے سیشن کورٹ میں درخواست دائر کردی ہے۔

ضلعی اینڈ سیشن جج ایسٹ نے صارم برنی کی درخواست ضمانت اے ڈی جے نمبر 14 کو منتقل کردی ہے۔

عدالت نے فریقین کو درخواست ضمانت کے سلسلے میں 14 جون کیلئے نوٹس جاری کردیئے۔

یاد رہے کہ گزشتہ روز کراچی کے جوڈیشل مجسٹریٹ نے بچوں کو غیر قانونی طور پر بیرون ملک بھیجنے اور اسمگلنگ کے کیس میں صارم برنی کی درخواست ضمانت مسترد کردی تھی۔

یاد رہے کہ کچھ روز پہلے ایف آئی اے کی اینٹی ہیومن اینڈ ٹریفکنگ ٹیم نے صارم برنی کو کراچی ایئر پورٹ سے حراست میں لیا تھا۔

latest urdu news

بھارتی لیفٹیننٹ جنرل اوپیندرا دویدی نئے آرمی چیف نامزد

0

نئی دہلی، بھارت میں لیفٹیننٹ جنرل اوپیندرا دویدی کو نیا آرمی چیف نامزد کردیا گیا۔

بھارتی میڈیا کا کہنا ہے کہ اوپیندرا دویدی اس وقت بھارتی فوج کے وائس چیف آف سٹاف ہیں، وہ موجودہ آرمی چیف جنرل منوج سی پانڈے کے عہدہ چھوڑنے کے بعد 30 جون کو بھارتی فوج کی کمان سنبھالیں گے۔

بھارتی میڈیا کا کہنا ہے کہ لیفٹیننٹ جنرل اوپیندرا دویدی 39 سالہ کیرئیر میں متعدد اہم پوسٹس پر فرائض سر انجام دے چکے ہیں جبکہ موجودہ آرمی چیف جنرل منوج سی پانڈے جنہیں پچھلے ماہ مئی کے مہینے کے آخر میں ریٹائر ہونا تھا، ان کی مدت میں 1 ماہ کی توسیع کی گئی تھی۔

بھارتی میڈیا کے مطابق چیف آف آرمی اسٹاف منوج سی پانڈے کو 30 اپریل 2022ء کو آرمی چیف مقرر کیا گیا تھا۔

یاد رہے کہ گزشتہ دنوں نریندر مودی نے مسلسل تیسری بار وزارت عظمی کا حلف اٹھایا ہے۔ مودی کی بھارتی جنتا پارٹی (بی جے پی) 2024 کے الیکشن کے دوران لوک سبھا میں 2 تہائی اکثریت حاصل کرنے میں تو ناکام رہی لیکن اتحادیوں کے ساتھ مل کر حکومت بنائی۔

latest urdu news

اربوں روپے کے شوگر اسکینڈل کا انکشاف، ملزمان روپوش

0

قومی احتساب بیورو (نیب) کے ڈائریکٹر جنرل نے صادق آباد میں اربوں روپے کے شوگر اسکینڈل کا نوٹس لیتے ہوئے تحقیقات کا حکم دیدیا ہے۔

ترجمان قومی احتساب بیورو (نیب) نے بتایا ہے کہ صادق آباد میں بڑے شوگر ڈیلرز کیجانب سے تاجروں کے اربوں روپے سمیت روپوش ہونے کی اطلاعات موصول ہوئی ہیں جن کی بنیاد پر ڈی جی نیب لاہور امجد مجید اولکھ نے فوری تحقیقات کا حکم جاری کردیا ہے۔

ترجمان قومی احتساب بیورو (نیب) کے مطابق چینی اسکینڈل کے مرکزی ملزم شیخ رشید اور شریک ملزمان کاشف علی اور فیصل علی کیخلاف ڈائریکٹر انکوائری کا حکم دیا گیا ہے۔

ترجمان کا کہنا تھا کہ نیب کی تفتیشی ٹیم نے صادق آباد میں چھاپا مارا، چھاپے کے دوران یہ انکشاف ہوا ہے کہ ملزمان نے کئی جگہوں پر بھاری مقدار میں چینی کو اسٹاک کیا ہوا تھا۔

ڈائریکٹر جنرل نیب نے گوداموں سمیت تمام دکانوں کو سیل کرنے کے احکامات جاری کردیے ہیں جن میں شوگر اسٹاک کی جاتی تھی جبکہ اسسٹنٹ کمشنر صادق آباد کو ملزمان کی جائیدادوں پر ریسیور کے طور پر تعینات کردیا گیا ہے۔

latest urdu news

ٹریفک کی روانی کو متاثر کرنیوالی ریڑھیوں کو ہٹانے کا فیصلہ

0

لاہور، انتظامیہ نے ٹریفک کی روانی کو متاثر کرنے والی ریڑھیوں کو ہٹانے کا فیصلہ کرلیا ہے۔

وزیراعلیٰ پنجاب مریم نواز کے احکامات کے مطابق لاہور میں ٹریفک رسپانس یونٹ لانچ، ٹریفک کی روانی بہتر بنانے کیلئے ڈیڈلائن مقرر کردی۔

وزیراعلیٰ پنجاب مریم نوازنے اس بارے میں ہدایات کی ہیں کہ ٹریفک کی روانی کو برقرار رکھنے کیلئے ہٹائی جانے والی ریڑھیوں کو متبادل جگہ فراہم کی جائے۔

مریم نواز نے متعلقہ اداروں کو رکشا اور موٹر بائیک کو لین کی پابندی کیلئے آگاہی مہم چلانے کی ہدایت جاری کی ہے۔

وزیراعلیٰ کو بتایا گیا کہ ٹریفک رسپانس یونٹ 15 کال پر ٹریفک جام والے ایریا میں پہنچے گا اور ٹریفک کی روانی میں حائل رکاوٹ کو فوری دور کرے گا۔ ٹریفک رسپانس یونٹ کو 1 ماہ کی سپیشل ٹریننگ دی گئی ہے۔

ٹریفک رسپانس یونٹ کو ریڈ کریسنٹ سے فرسٹ ایڈ کورس بھی کروایا گیا ہے۔ ہر بائیک پر ایڈریس سسٹم اور فرسٹ ایڈ باکس بھی نصب کیے جائیں گے۔ ٹریفک وارڈنز مخصوص کیمرے کے ذریعے ریکارڈنگ بھی کریں گے۔

ٹریفک رسپانس یونٹ کی لانچنگ کے بعد وزیراعلیٰ کی زیر صدارت ٹریفک مینجمنٹ پر خصوصی اجلاس منعقد ہوا۔ وزیراعلیٰ نے لاہور میں ٹریفک کی روانی بہتر بنانے کیلئے ڈیڈ لائن مقرر کردی۔

latest urdu news

تنخواہوں میں اضافے کی خاطر ملازمین کا اسلام آباد میں احتجاج جاری

0

اسلام آباد میں سرکاری ملازمین نے سیکریٹریٹ کے گیٹ پر احتجاج شروع کردیا۔

سرکاری ملازمین اسلام آباد میں سیکٹریٹ کے باہر کھڑے شدید احتجاج کررہے ہیں۔

پولیس نے مظاہرین کو سیکٹریٹ گیٹ پر ہی روک دیا ہے اور انہیں اندر نہیں جانے دے رہی لیکن ڈی سی اسلام آباد ان سے بات کرنے اور حالات کو بہتر کرنے کی کوشش کرنے پہنچ گئے ہیں۔

گریڈ 1 سے 16 کے سرکاری ملازمین جن میں پی ڈبلیو ڈی کے کارکنان اور دیگر سرکاری ملازمین تنخواہوں میں اضافے کا مطالبہ کررہے ہیں۔

ملازمین کا کہنا ہے کہ ہمیں تنخواہوں میں 10 یا 15 فیصد اضافہ منظور نہیں، تنخواہوں میں اس سے زیادہ اضافہ ہونا چاہیے۔

واضح رہے کہ وزیراعظم شہباز شریف کیجانب سے حالی ہی میں بجٹ پیش کیا گیا ہے اور انہوں نے پیپلزپارٹی کو کابینہ میں شامل کرنے کا فیصلہ کیا ہے۔

latest urdu news

رہائشی عمارت میں آگ بھڑ ک اٹھی، 41 افراد لقمہ اجل بن گئے

0

کویت، رہائشی عمارت میں آگ لگنے سے 41 افراد جان کی بازی ہار گئے۔

غیر ملکی میڈیا کے مطابق کویت کے شہر المنقف میں 12 جون کو صبح کے وقت عمارت میں آگ بھڑک اٹھی۔

پولیس کے مطابق انتظامیہ کو 6 بجے صبح کے وقت آتشزدگی کے بارے میں پتہ لگا۔

غیر ملکی میڈیا کے مطابق بتایا گیا ہے کہ رہائشی عمارت میں تقریباََ 160 ملازمین رہائش پذیر تھے، جن میں کافی لوگوں کو ریسکیو کرلیا گیا ہے، جو ابھی مقامی ہسپتال میں زیر علاج ہیں۔

حکام کا کہنا تھا کہ زیادہ تر ہلاکتیں دھوئیں کے سبب دم گھٹنے سے ہوئیں ہیں، مستقبل میں ہم کمپنیز کو خبردار کریں گے کہ بہت زیادہ ورکرز کو ایک جگہ نہ رکھا جائے، کمپنی کا نام، ہلاک ورکرز کی قومیت اور دیگر تفصیلات جاری نہیں کیں۔

رہائشی عمارت میں لگنے والی آگ پر قابو پالیا گیا ہے تاہم ابھی تک آگ لگنے کی وجہ معلوم نہیں ہوسکی ہے، دوسری جانب عمارت کے مالک اور کمپنی کے ہیڈ کی گرفتاری کے احکامات جاری کردیے ہیں۔

latest urdu news

سلیم مانڈوی والا سینیٹ کی قائمہ کمیٹی برائے خزانہ کے چیئرمین منتخب

0

پیپلز پارٹی کے سینیٹر سلیم مانڈوی والا سینیٹ کی قائمہ کمیٹی برائے خزانہ کے چیئرمین منتخب ہو گئے۔

پی ٹی آئی کے سینیٹرز شبلی فراز اور محسن عزیز نے سلیم مانڈوی والا کو سینیٹ کی قائمہ کمیٹی برائے خزانہ کا چیئرمین منتخب کرنے پر شدید احتجاج کیا اور اجلاس کا بائیکاٹ بھی کردیا۔

سینیٹر شبلی فراز نے سینیٹ اجلاس میں اظہار خیال کرتے ہوئے کہا کہ کمیٹیوں کی تشکیل کا کل رات تک کسی کو علم نہیں تھا۔

سینیٹر علی ظفر نے کہا کہ حکومتی احتساب سے متعلق کمیٹی اپوزیشن چلا رہی ہے۔

دوسری جانب سینیٹر شیری رحمان نے اپنے جواب میں کہا کہ لگتا ہے کمیٹیوں میں بے ضابطگیاں ہیں، آپ کو اپنی مرضی کی کمیٹی نہیں ملی، اسی لیے آپ یہ سب کہہ رہے ہیں۔

علاوہ ازیں وفاقی وزیر اعظم نذیر تارڑ نے کہا کہ کمیٹیاں ہمیشہ سینیٹ سیکرٹریٹ بناتی ہیں، جب ہم اپوزیشن میں تھے تو ہم نے داخلہ اور قانونی امور کی کمیٹی کے بارے میں پوچھا۔

وزیر قانون اعظم نذیر تارڑ کی تقریر کے دوران پی ٹی آئی ارکان نے احتجاج کیا۔

latest urdu news

عمران خان نے محمود خان اچکزئی کو سیاسی پارٹیوں سے مذاکرات کی اجازت دیدی، انتظار پنجوتھا

0

پاکستان تحریک انصاف کے رہنما انتظار پنجوتھا کا کہنا ہے کہ پشتونخوا ملی عوامی پارٹی کے سربراہ محمود خان نے عمران خان سے مذاکرات کی درخواست کی تھی جسے بانی پی ٹی آئی نے قبول کر لیا ہے۔

نجی ٹی وی چینل کے پروگرام میں گفتگو کرتے ہوئے انتظار پنجوتھا نے دعویٰ کیا کہ محمود خان اچکزئی نے مذاکرات کے حوالے سے درخواست کی تھی کہ میں اس میں کردار ادا کر سکتا ہوں۔

انتظار پنجوتھا کا کہنا تھا اگر محمود خان اچکزئی سمجھتے ہیں کہ ن لیگ اور پیپلز پارٹی سے بات چیت کرنی ہے تو وہ پی ٹی آئی کو اس حوالے سے اعتماد میں لیں گے۔

انتظار پنجوتھا کا مزید کہنا تھا بانی پی ٹی آئی نے محمود خان اچکزئی کو مذاکرات کا مینڈیٹ دیا ہے تو وہ اپنی بات پر بھی قائم رہیں گے، اب یہ محمود خان اچکزئی پر منحصر ہے کہ انہوں نے کس کے ساتھ ڈائیلاگ کرنا ہے۔

دوسری جانب پروگرام میں گفتگو کرتے ہوئے وزیراعظم شہباز شریف کے مشیر برائے سیاسی امور رانا ثناء اللہ کا کہنا تھا اگر کسی کو رہائی چاہیے یا مینڈیٹ تو بات چیت کے علاوہ کوئی دوسرا راستہ نہیں ہے، اگر ہمیں لگا کہ پی ٹی آئی مذاکرات چاہتی ہے تو یقین رکھیں کہ ہم انکار نہیں کریں گے۔

latest urdu news