ڈپٹی کمشنر صفدر حسین ورک کی ہدایات پر اسسٹنٹ کمشنر کھاریاں زوہیب ممتاز نے ماحولیاتی آلودگی کا باعث بننے والی فیکٹری کو سیل کردیا۔
اسسٹنٹ کمشنر کھاریاں زوہیب ممتاز نے کہا کہ فیکٹری میں ناقص فیول جلایا جارہا تھا جس سے فضا میں خطرناک دھواں خارج ہو رہا تھا کاروائی کرتے ہوئے فیکٹری کو سیل کردیا گیا ہے۔
ان کا کہنا تھا کہ ڈی او ماحولیات کو ہدایت کی گئی ہے کہ ماحولیاتی آلودگی کا باعث بننے والی اور ناقص فیول استعمال کرنے والے انڈسٹریل یونٹس کے خلاف سخت کارروائی عمل میں لائی جائے۔
اسسٹنٹ کمشنر کھاریاں زوہیب ممتاز نے کہا کہ ماحولیاتی آلودگی کا باعث بننے والی انڈسٹریز، فیکٹریز کے خلاف سخت کارروائی عمل میں لائی جائے، تمام افراد ماحول دوست ٹیکنالوجی کا استعمال کریں اور ایس او پیز کے مطابق فیول کا استعمال یقینی بنائیں۔
