پی ٹی آئی کے رہنما ڈاکٹر یاسمین راشد سمیت دیگر 3 رہنماؤں کی ضمانتوں میں توسیع کردی گئی۔
لاہور، انسداد دہشتگردی کی عدالت نے رہنما پاکستان تحریک انصاف یاسمین راشد، عمر سرفراز چیمہ سمیت دیگر کی ضمانتوں میں توسیع کردی۔
لاہور کی انسداد دہشتگردی عدالت میں 9 مئی کے 4 مقدمات میں اعجاز چوہدری، عمر سرفراز چیمہ، میاں محمود الرشید اور ڈاکٹر یاسمین راشد کی ضمانتوں میں توسیع کے متعلق سماعت ہوئی۔
اے ٹی سی کے جج ارشد جاوید کے رخصت پر ہونے کے باعث کیس میں پیشرفت نہ ہوسکی۔
انسداد دہشتگردی کی عدالت نے ضمانتوں پر مزید توسیع دیتے ہوئے سماعت 12 جون تک ملتوی کردی۔
واضح رہے کہ ملزمان کیخلاف تھانہ گلبرگ، ماڈل ٹاؤن اور نصیرآباد میں مقدمہ درج ہے۔