سوڈانی آرمی نے کہا ہے کہ نیم فوجی ریپڈ رسپانس فورس نے وسطی سوڈان کے گاؤں میں حملہ کیا جس میں 35 بچوں سمیت 150 افراد کی ہلاکت کا خدشہ ہے۔
غیر ملکی میڈیا رپورٹس کے مطابق بچوں سمیت 150 افراد کے قتل عام کا الزام نیم فوجی گروپ ریپڈ رسپانس فورسز پر عائد کرتے ہوئے سوڈانی حملے کا جواب دینے کا واضح اعلان کیا ہے۔
سربراہ سوڈانی فوج عبدالفتاح البرہان نے کہا کہ آر ایس ایف کو حملے کا بھرپور جواب دیا جائے گا۔
برطانوی میڈیا کا کہنا تھا کہ آر ایس ایف کیجانب سے مختلف دیہاتوں میں کیے جانیوالوں حملوں میں یہ سب سے خوفناک حملہ تھا۔
واضح رہے کہ سوڈان میں نیم فوجی گروپ آر ایس ایف گزشتہ 13 ماہ سے ملک کا کنٹرول حاصل کرنے کیلئے لڑ رہا ہے۔