اسلام آباد ہائیکورٹ نے وفاقی حکومت کو خیبرپختونخوا کے لاپتہ شہری کے والد کو 30 لاکھ روپے معاوضہ دینے کا باقاعدہ حکمانہ جاری کردیا ہے۔
خیبرپختونخوا کے لاپتہ شہری ہارون محمد کی بازیابی کی درخواست پر جسٹس میاں گل حسن اورنگزیب نے سماعت کی اور وکلا کے دلائل سننے کے بعد درخواست پر حکم جاری کیا۔
اسلام آباد ہائیکورٹ نے وفاقی حکومت کو لاپتہ شہری کے والد کو آئندہ سماعت سے پہلے 30 لاکھ روپے معاوضہ ادا کرنے کا حکم دیا۔
اسلام آباد ہائیکورٹ نے آئی جی کے پی کو درخواست گزار کو سکیورٹی فراہم کرنے اور سکیورٹی اہلکاروں کیخلاف مقدمہ درج کرنے کی بھی ہدایت کی ہے۔
اسلام آباد ہائیکورٹ نے کیس کی مزید سماعت 2 ہفتوں کیلئے ملتوی کردی ہے۔