انگلینڈ کی ایک مداح نے کپتان بابر اعظم کو انگلینڈ کے خلاف سنچری بنانے میں مدد کے لیے اپنے والد کی مرسڈیز تحفے میں دینے کی پیشکش کی ہے۔
برطانوی نژاد پاکستانی قومی ٹیم کی مداح نبیہا خان کی ایک ویڈیو ٹک ٹاک پر وائرل ہوئی ہے جس میں وہ میڈیکل کی طالبہ ہونے کے باوجود ایجسٹن میں ہونیوالے انگلینڈ کے خلاف آج کے میچ میں کامیابی کے لیے دعائیں مانگ رہی ہیں۔
نبیہا خان نے کہا کہ پاکستانی ٹیم کو کھیل پر توجہ دینی چاہئے، ہم انہیں مکمل سپورٹ کریں گے، خاص طور پر بابر اعظم کو چاہیے کہ وہ اچھے سے کھیلیں، برائے مہربانی اس بار یہ نہ کہیے گا کہ 10 ،20 رنز کم بنائے ہیں۔
نبیہا خان نے کپتان بابر اعظم کے خصوصی اشعار بھی سنائے اور کہا کہ اگر بابر اعظم انگلینڈ کے خلاف آج کے میچ میں انچری اسکور کرتے ہیں تو وہ انہیں اپنے والد کی مرسڈیز تحفے میں دیں گی۔
View this post on Instagram
نبیہا خان سے پھر سوال پوچھا گیا کہ اگر بابراعظم سنچری بنا لیتے ہیں تو کیا آپ واقعی ہی انہیں اپنے والد کی مرسڈیز دیں گی کیا آپ نے اس سلسلے میں اپنے والد سے پوچھا ہے؟ اس سوال پر نبیہا خان نے جواب دیا کہ یہ تو ایک مرسیڈز ہے، پاکستان کیلئے کچھ بھی قربان کرنے کیلئے تیار ہیں۔
