ایران کے صدر حسن روحانی اپنے پہلے سرکاری دورے پر آج پیر کو عراقی دارالحکومت بغداد پہنچ گئے۔ روحانی عراق کا اپنا یہ دورہ ایک ایسے وقت پر کر رہے ہیں، جب بغداد حکومت کو امریکا کی طرف سے اس بارے میں شدید دباؤ کا سامنا ہے کہ وہ ہمسایہ ملک ایران کے ساتھ اپنے تعلقات کو محدود کر دے۔ اس پس منظر میں تہران سے بغداد کے لیے روانہ ہوتے ہوئے صدر روحانی نے کہا کہ ایران اور عراق کے باہمی تعلقات اتنے خاص ہیں، کہ ان کا بغداد کے امریکا جیسے کسی جارحیت پسند ملک کے ساتھ روابط سے موازنہ نہیں کیا جا سکتا۔ حسن روحانی نے یہ بھی کہا کہ عراق چاہے، تو ایران اس کی مدد کے لیے ہمیشہ کی طرح تیار ہے۔
تازہ ترین