وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا مولانا مظلوموں کے لئے نہیں بلکہ کرپشن کنگز کو تحفظ دینے کے لیے باہر نکل رہے ہیں۔
محمد نواز شریف کی گفتگو کے بعد فضل الرحمان کے مارچ کی بلی تھیلے سے باہر آگئی ہے۔ثابت ہوگیا کہ ان کا مارچ کشمیریوں کی آزادی کیلئے نہیں چوروں کی آزادی کیلئےہے۔ وہ مظلوموں اور بے کسوں کے لئے نہیں بلکہ کرپشن کنگز کے سیاسی و معاشی روزگار کو تحفظ دینے کے لیے باہر نکلے رہ ہیں۔
— Firdous Ashiq Awan (@Dr_FirdousPTI) October 12, 2019
فردوس عاشق اعوان کا کہنا تھا نواز شریف اور شہباز شریف ،سمیع اللہ اور کلیم اللہ کا کھیل کھیل رہے ہیں، کبھی بال شہباز شریف کے پاس ہوتی ہے تو کبھی نواز شریف کے پاس، تاہم دونوں گول کرنے میں ناکام ہیں کیونکہ دونوں کے گول پوسٹ الگ الگ ہیں، آج ماڈل ٹاؤن میں ہونے والا اجلاس بھی اسی کھیل کا حصہ ہے۔
نواز شریف اور شہباز شریف سمیع اللہ اور کلیم اللہ کا کھیل کھیل رہے ہیں۔کبھی بال شہباز شریف کے پاس ہوتی ہے تو کبھی نواز شریف کے پاس۔تاہم دونوں گول کرنے میں ناکام ہیں کیونکہ دونوں کے گول پوسٹ الگ الگ ہیں۔آج ماڈل ٹاؤن میں ہونے والا اجلاس بھی اسی کھیل کا حصہ ہے۔
— Firdous Ashiq Awan (@Dr_FirdousPTI) October 12, 2019
معاون خصوصی فردوس عاشق اعوان نے مزید کہا کہ عوام جانتے ہیں کہ فضل الرحمن سیاسی حلوے کے شیدائی ہیں، فضل الرحمن سیاسی حلوے کے حصول کیلئے اسلام آباد کو لاک ڈاؤن نہ کریں، آقاؤں کی خوشنودی کیلئے بھارت کیخلاف یوم سیاہ کو سیاست کیلئے چنا گیا۔
