لاہور میں انسداد دہشتگردی کی عدالت نے مسلم لیگ (ن) کے رہنماؤں مریم اورنگزیب اور میاں جاوید لطیف سمیت دیگر کو اشتعال انگیز گفتگو کے مقدمے سے بری کر دیا۔
انسداد دہشتگردی کی عدالت کے جج محمد نوید اقبال نے بریت کی درخواستوں پر محفوظ فیصلہ سنا دیا۔
مریم اورنگزیب کے وکیل نے مؤقف اختیار کیا کہ مقدمے میں چینل کا نام تک نہیں بتایا گیا، نہ ہی مقدمے کا کوئی گواہ ہے، 5 دن کی تاخیر سے سیاسی بنیادوں پر مقدمہ درج کیا گیا۔
عدالت سے استدعا ہے کہ مقدمے سے بری کرنے حکم دے، عدالت نے بریت کی درخواستیں منظور کرتے ہوئے تمام ملزمان کو مقدمے سے بری کردیا، ملزمان کیخلاف تھانہ گرین ٹاؤن پولیس نے مقدمہ درج کر رکھا تھا۔
