اسلام آباد، پاکستان پیپلزپارٹی کے چیئرمین و سابق وزیرخارجہ بلاول بھٹو زرداری نے کہا ہے کہ اسلام آباد کی حکومتی مشینری پر زیادہ تر مافیا کا قبضہ ہے۔
طلبہ سے مکالمہ کرتے ہوئے چیئرمین پیپلزپارٹی بلاول بھٹو زرداری نے کہا کہ پیپلزپارٹی نے اپنا منشور تیارکرلیا ہے۔
بلاول بھٹو نے کہا ملک جس معاشی بحران سے گزر رہا ہے وہ سب کے سامنے ہے، اشرافیہ کی تمام سبسڈی کو ختم کریں گے، اشرافیہ کو ملنے والی رقو م عام عوام پر خرچ کریں گے، عوام کیلئے گرین جابز کے مواقع پیدا کرسکتے ہیں، مشکل وقت میں چیلنجز زیادہ ہیں لیکن ہم ان سے نمٹ لیں گے۔
