پاکستان کے سابق کرکٹر عمران نذیر نے 2024 کے ٹی ٹوئنٹی ورلڈ کپ میں امریکا اور بھارت سے ہارنے پر پاکستانی ٹیم کو بزدل قراردے دیا۔
پاکستانی کرکٹ ٹیم جو اس وقت ورلڈ کپ میں بابراعظم کی قیادت میں امریکہ اور بھارت سے شکست کھا چکی ہے۔
سوشل میڈیا پر جہاں کرکٹ شائقین پاکستانی ٹیم کی مسلسل خراب کارکردگی سے مایوس ہیں وہیں سابق کرکٹرز نے بھی کھلاڑیوں کو تنقید کا نشانہ بنایا ہے۔
سابق کرکٹر عمران نذیر نے نجی ٹی وی چینل کے پروگرام میں گفتگو کرتے ہوئے کہا کہ بھارت کے خلاف 120 رنز کا ہدف تھا اور ٹیم کی ٹانگیں کانپ رہی تھیں۔
سابق کرکٹر نے پاکستانی ٹیم کے کھلاڑیوں کو بزدل قرار دیتے ہوئے کہا کہ کرکٹ ہمت کا کھیل ہے اور اس کھیل میں آپ اس طرح جیت نہیں سکتے، ہمارے پاس اسکلز کی کمی ہے۔
View this post on Instagram
عمران نذیر نے کہا ہم سب مختلف شوز میں نظر آتے ہیں اور اپنی ٹیموں کی غلطیوں کی نشاندہی کرتے ہیں لیکن سوال یہ ہے کہ ہم ان پر کام کیوں نہیں کرتے؟ ہم 4 دن سوگ مناتے ہیں، لیکن اس کے بعد بھی وہی روٹین ہوتی ہے۔
عمران نذیر نے کرکٹ بورڈ کو بھی تنقید کا نشانہ بنایا اور کہا کہ ورلڈ کپ سے 10-12 دن پہلے کوچز کی خدمات حاصل کی گئیں۔
