پیپلز پارٹی کے چیئرمین بلاول بھٹو زرداری کی قیادت میں کراچی سے پیپلز پارٹی کے کاروانِ بھٹو ٹرین مارچ کا آغاز ہوگیا۔کراچی سے لاڑکانہ کے لئے کاررواں بھٹو اسپیشل ٹرین میں روانہ ہوگیا۔ پیپلز پارٹی کے چیئرمین بلاول بھٹو زرداری کینٹ اسٹیشن پہنچے تو بڑی تعداد میں کارکنان جمع ہوئے اور بلاول کا استقبال کیا۔ اس موقع پر کینٹ اسٹیشن اور اطراف کے علاقے کو پارٹی پرچموں اور رہنماؤں کی تصاویر سے سجادیا گیا۔بلاول بھٹو نے کارکنوں سے خطاب کرتے ہوئے کہا کہ عوام کا سیلاب ہمارے ساتھ ہے، ذوالفقار علی بھٹو نے شہادت قبول کی مگر یوٹرن نہیں لیا، آمر کے آگے سر نہیں جھکایا اور عوام کو دھوکا نہیں دیا، آج حکمران ذوالفقار علی بھٹو کے کارکنوں اور نواسے سے ڈرتے ہیں، 4 اپریل کو قافلہ گڑھی خدابخش پہنچے گا۔
@BBhuttoZardari kicks off #KarawaneBhutto #KarachiToLarkana with a ? pic.twitter.com/994Qk6SB88
— Kasim Gilani (@KasimGillani) March 26, 2019
کاروانِ بھٹو کے راستے اور قیام کے مقامات کے حوالے سے بلاول بھٹو زرداری نے سماجی رابطے کی ویب سائٹ پر ایک پیغام بھی جاری کیا۔اس کے مطابق کاروانِ بھٹو کا آغاز کراچی کے کینٹ اسٹیشن سے ہوگا لیکن اس کے بعد وہ کراچی کے ہی ڈرگ روڈ جنکشن اور لانڈھی اسٹیشن پر خطاب کریں گے۔
