جوہری معاہدے سے نکلناایران کی غلطی ہو گی

فرانس کے صدر ایمانوئل ماکروں نےاپنے ایک بیان میں کہا ہے کہ انہوں نے اپنے ایرانی ہم منصب کے ساتھ گفتگو میں انہیں عالمی طاقتوں کے ساتھ طے شدہ جوہری معاہدے سے نکلنے کے خلاف تنبیہ کر دی ہے۔ ماکروں نے ٹوکیو میں صحافیوں سے گفتگو کرتے ہوئے بتایا کہ انہوں نے چند روز قبل ایران کے صدر حسن روحانی سے پات کرتے ہوئےان پر واضح کر دیا تھا کہ اگر تہران دو ہزار پندرہ میں طے پانے والے جوہری معاہدے سے نکلا، یا اس نے اس ڈیل کی خلاف ورزی کا کوئی اشارہ بھی دیا، تو یہ ایران کی ایک بہت بڑی غلطی ہو گی۔