فلپائن میں سمندری طوفان ’وامکو‘ کے سبب ہونے والی اموات کی تعداد 14 ہوگئی ہے۔ حکام کے مطابق تیز بارش اور طوفانی ہواؤں کے سبب ایک درجن سے زائد افراد لاپتہ بھی ہیں۔ بُدھ کے روز سے اس سمندری طوفان نے دارالحکومت منیلا کو اپنی لپیٹ میں لے رکھا ہے۔ اسے گزشتہ کئی برسوں کا بدترین سیلاب کہا جا رہا ہے۔ دس لاکھ سے زائد افراد بجلی سے محروم ہیں اور چار لاکھ کو اپنا گھر بار چھوڑنا پڑا۔ ’وامکو‘ رواں سال اس جزیرے میں آنے والا اکیسواں طوفان ہے۔ یہاں ایک ماہ کے اندر پانچویں بار اس نوعیت کا طوفان آیا ہے۔
تازہ ترین
