وزیراعظم شہبازشریف سیلابی صورتحال کا جائزہ لینے کیلئے آج نوشہرہ اور چار سدہ کا دورہ کریں گے۔
تفصیلات کے مطابق وزیر اعظم سیلاب سے متاثرہ علاقوں میں نقصانات کا جائزہ لیں گے، وزیراعظم کو سیلاب سے نقصانات اور امدادی کارروائیوں پر بریف کیا جائے گا۔
وزیر اطلاعات مریم اورنگزیب نے بتایا کہ وزیراعظم شہبازشریف سیلاب متاثرین سے ملاقات بھی کریں گے، جبکہ مہمند ڈیم کی جگہ کا دورہ بھی کریں گے۔ انہوں نے مزید بتایا ہے کہ مسلم لیگ (ن) کی نائب صدر مریم نواز آج تونسہ شریف جائیں گی۔