اسلام آباد(آن لائن ) عدالت میں پیشی کے موقع پر عمران خان نے چلتے چلتے صحافیوں سے گفتگو کی اور کہا کہ ایسا لگ رہا ہے جیسے کلبھوشں یادیو آرہا ہے۔پیشی سے قبل عمران خان نے صحافیوں کے چند سوالات کے جوابات دیے۔ ایک صحافی نے سوال کیا کہ خبریں آرہی ہیں کہ حکومت آپ کو گرفتار کرنے کا پلان بنا رہی ہے جس پر عمران خان نے کہا کہ ایسی خبریں آتی رہتی ہیں، میں جیل جا کر زیادہ خطرناک ہوجاؤں گا۔
پتا نہیں انہیں کس چیز کا خوف ہے، بعد میں بات کریں گے کہیں کوئی غلط ٹکرز نہ چل جائے۔
خبریں آرہی ہیں کہ حکومت آپکو گرفتار کرنے کا پلان بنا رہی ہے، عمران خان سے میرا سوال
ایسی خبریں آتی رہتی ہیں، میں جیل جا کر زیادہ خطرناک ہو جاؤنگا ، عمران خان کا جواب pic.twitter.com/2PpCYaxpKh
— Rizwan Ahmed Ghilzai (@RizwanGhilzai) September 8, 2022
دریں اثنا مقدمے کی کارروائی کے دوران وقفے میں میڈیا سے گفتگو کرتے ہوئے عمران خان نے کہا کہ آئی ایم ایف کی رپورٹ پڑھ لیں کہ ملک کس طرف جا رہا ہے، جو مرضی کرلیں الیکشن کے بغیر حالات صحیح نہیں ہوں گے۔