لاہور کے ڈاکٹر حافظ ولید ملک نے طب کے شعبے میں تاریخ رقم کردی ہے، کیوں کہ وہ پاکستان میں گریجویشن پر سب سے زیادہ گولڈ میڈلز حاصل کرنے والے پہلے اور واحد ڈاکٹر ہیں۔
پاکستان میں سب سے زیادہ 27 گولڈ میڈلز اور دو سلورمیڈلز حاصل کرنے والے ڈاکٹر ولید ملک حافظ قرآن بھی ہیں۔
نجی ٹی وی سے بات کرتے ہوئے ڈاکٹر ولید ملک نے بتایا کہ وزیر صحت پنجاب یاسمین راشد نے تمام گولڈ میڈلز پہنائے، لیکن پنجاب حکومت نے تاحال کامیابی پر کسی بھی انعام کا اعلان نہیں کیا۔
پاکستان میں سب سے زیادہ گولڈ میڈل لینے والا حافظ قرآن ڈاکٹر ولید ملک pic.twitter.com/gZfmcvS9tA
— Khurram Rasheed (@Khurram05020603) December 3, 2022
ڈاکٹر ولید ملک نے کہا کہ میں نے یہ کامیابی 16 سے 18 گھنٹے روزانہ پڑھنے کے بعد حاصل کی ہے، لیکن پاکستان میں نوکری بھی سفارش سے ملتی ہے، اس لئے اب بیرون ملک جاؤں گا۔