محتسب پنجاب نے ریٹائرمنٹ سے چند ماہ پہلے استعفیٰ دے دیا

لاہور(مانیٹرنگ ڈیسک) صوبائی محتسب پنجاب جاوید محمود نے اپنے عہدے سے استعفیٰ دے دیا ہے ، جاوید محمود تقریباً ساڑھے تین سال سے محتسب پنجاب کے عہدے پر کام کر رہے تھے۔ اس سے قبل وہ چیف سیکرٹری پنجاب کے عہدے پر تعینات تھے۔ اپنی ریٹائرمنٹ سے چند ماہ قبل جاوید محمود کے استعفیٰ نے کئی سوالات اٹھا دیئے ہیں۔لیکن جاوید محمود کی طرف سے ابھی تک استعفیٰ کی وجہ ذاتی مصروفیت بتائی جا رہی ہے۔