اسلام آباد: وزیراعظم عمران خان نے مقبوضہ کشمیر میں بھارتی مظالم کی شدید مذمت کرتے ہوئے کہا ہے کہ تشدد اور قتل وغارت نہیں صرف مذاکرات سے ہی مسئلہ کشمیرحل ہوگا۔
وزیراعظم عمران خان نے مقبوضہ وادی میں بھارتی فوج کے حالیہ مظالم اور بربریت ٹوئٹر پر جاری بیان میں کہا کہ مقبوضہ کشمیرمیں بھارتی فوج کے ہاتھوں کشمیریوں کی شہادت پرشدیدمذمت کرتا ہوں۔
Strongly condemn killing of innocent Kashmiri civilians in Pulwama IOK by Indian security forces. Only dialogue & not violence & killings will resolve this conflict. We will raise issue of India's human rights violations in IOK & demand UNSC fulfil its J&K plebiscite commitment
— Imran Khan (@ImranKhanPTI) December 16, 2018
وزیراعظم نے کہا کہ نہتے کشمیریوں پر بھارت کی انسانی حقوق کی سنگین پامالیوں پر آواز اٹھائیں گے اور اقوام متحدہ کی سیکورٹی کونسل سے مطالبہ کریں گے کہ وادی میں حق خودارادیت کے وعدے کو پورا کیا جائے۔وزیراعظم کا کہنا تھا کہ مسئلہ کشمیر کا حل مذاکرات میں ہے، قتل و غارت اور تشدد میں نہیں، جب کہ کشمیریوں کو اپنے مستقبل کا فیصلہ خود کرنے کی اجازت ہونی چاہیے۔