عید پر اہلخانہ حمزہ شہباز،مریم نواز اور یوسف عباس سے مل سکیں گے

نیب لاہور نے عید کے موقع پر ملزمان کو سہولت دیتے ہوئے اہلخانہ سے ملاقات کی اجازت دی ہے، مریم نواز، حمزہ شہباز اور یوسف عباس سے اہلخانہ مل سکیں گے، تحائف بھی دیئے جا سکیں گے جبکہ نیب کی جانب سے شریف خاندان کیلئے عید کی صبح سپیشل ناشتے اور پکوان کا بندو بست بھی ہوگا۔ڈی جی نیب لاہور کے احکامات کے مطابق تمام زیر حراست ملزمان کو بلا روک ٹوک خاندان کے قریبی افراد سے ملاقات کا بھرپور موقع فراہم کیا جائیگا، زیر حراست ملزمان کو نیب کی حدود میں واقع مسجد میں باجماعت نماز عید ادا کروانے کا اہتمام کیا جائیگا، بروز عید زیر حراست ملزمان کو سیلز سے باہر گرین ایریا میں رکھنے کی تجویز بھی زیر غور ہے۔