تحریک انصاف کے چیئرمین عمران خان کا کہنا ہے کہ سارے پاکستانیوں کو مئی کے آخری ہفتے میں اسلام آباد کی جانب مارچ کی کال دیں گے ،جس کے لیے تیاری چاند رات سے ہی شروع ہوگی ۔ سابق وزیراعظم کا کہنا تھا کہ مئی کے آخری ہفتے میں سارے پاکستانیوں کو کال دیں گے۔ صرف تحریک انصاف ہی نہیں بلکہ یہ پورے ملک کی توہین کی گئی ۔بیرونی سازش کے تحت پاکستان کے کرپٹ ترین لوگوں کو ملک پر مسلط کردیا گیا ہے۔
چئیرمین پاکستان تحریک انصاف عمران خان کا اہم پیغام- #الیکشن_کراو_پاکستان_بچاو #MarchAgainstImportedGovt pic.twitter.com/aycL0osudR
— PTI (@PTIofficial) April 30, 2022
عمران خان کا کہنا تھا کہ موجودہ کابینہ میں 60 فیصد لوگ ضمانتوں پرہیں ۔ شہباز شریف کو لوگ کرائم منسٹر کہتے ہیں ۔ وزیر اعظم کے خلاف 40 ارب روپے کی کرپشن کے الزامات ہیں ۔عمران خان کا کہنا تھا کہ میں چاہتا ہوں ہو کہ اس حکومت کے خلاف تیاری اب سے شروع کریں ،خاص طور پر اپنے نوجوانوں کو پیغام دینا چاہتا ہوں ۔ نوجوان چاند رات کوتحریک انصاف کےجھنڈے لگا کر باہر نکلیں ۔ساری دنیا کو بتانا ہے کہ پاکستان ایک زندہ قوم ہے۔