مسلم لیگ (ن ) کے رہنما جاوید لطیف کا کہنا ہے کہ عمران خان ملک میں فسادات کرانا چاہتے ہیں ۔ عمران خان کے اداروں کے خلاف بیانات ملک کو خانہ جنگی کی طرف لے جا رہے ہیں ۔
اسلام آباد میں میڈیا سے گفتگو کرتے ہوئے جاوید لطیف کا کہنا تھا کہ جلسہ جلسہ کھیلنے سے ملک میں تبدیلی نہیں آتی ، عمران خان جو باتیں کر رہیں ہیں یہ ریاست کے لیے مفید نہیں ہیں ۔
لیگی رہنما کا کہنا تھا کہ عمران خان ملک میں فسادات کرانا چاہتے ہیں ۔ عمران خان ریاستی اداروں کو دباؤ میں لانے کی کوشش کر رہے ہیں ۔ عمران خان ملک میں خانہ جنگی کی کوشش کر رہے ہیں ۔
ان کہنا تھا کہ عمران خان 20 سال سے ریاستی اداروں کو نشانہ بنا رہے ہیں ۔ عمران خان اس وقت قومی سلامتی کے لیے بڑا خطرہ بن چکے ہیں ۔
