تحریک انصاف کے چیئرمین عمران خان آج ملتان میں جلسہ عام سے خطاب کریں گے ،جہاں وہ لانگ مارچ کے حوالے سے تاریخ کا اعلان بھی کریں گے ۔
سابق وزیراعظم کا کہنا تھا کہ الیکشن کی تاریخ تک انسانوں کا سمندر اسلام آباد سے واپس نہیں جائے گا ۔ہم اس کرپٹ اور امپورٹڈحکومت کو ہرگز قبول نہیں کرتے ،صرف الیکشن چاہتے ہیں ۔ مارچ کا مقصد حقیقی آزادی ہے ۔
گزشتہ روز اسلام آباد میں عوام سے خطاب کرتے ہوئے عمران خان نے کہا کہ ہم انتخابات کے ذریعے تبدیلی چاہتے ہیں اور جب تک شفاف انتخابات کی تاریخ کا اعلان نہیں ہوتا ہم اسلام آباد سے واپس جانے والے نہیں ہیں ۔ عمران خان کا کہنا تھا کہ برصغیر کی تاریخ میں سب سے بڑا انسانی سمندر اسلام آباد آنے والا ہے ۔اسلام آباد مارچ سے پہلے ملتان میں آخری جلسہ ہوگا ۔ عمران خان کا کہنا تھا کہ اپنی قوم کو دوسروں کے لئے قربان نہیں کر سکتے ۔
